બોમ્બ ધડાકા બાદ રાજ્યસભા બપોરે બે વાગ્યાં સુધી મુલતવી

આજે સવારે દિલ્હી હાઇકોર્ટની બહાર થયેલા બોમ્બ વિસ્ફોટ બાદ રાજ્યસભાને બપોરે બે વાગ્યાં સુધી મુલતવી કરી દેવામાં આવી છે. બોમ્બ વિસ્ફોટ બાદ સરકાર માહિતી એકત્રીત કરી શકે તે માટે તે માટે રાજ્યસભાને મુલતવી રાખવામાં આવી છે.

આજે જ્યારે સવારે ગૃહ મળ્યું ત્યારે ગૃહ ચેરમેન હમિદ અન્સારીએ જણાવ્યું હતું કે, “ દિલ્હી હાઇકોર્ટની બહાર બોમ્બ વિસ્ફોટ થયો છે. અહીં કેટલાક મોત થયા છે.”

અંસારીએ વધુમાં જણાવ્યું હતું કે, “ જેમ બને તેમ જલ્દી સરકાર આ અંગે નિવેદન આપશે. આથી ગૃહને બપોરે બે વાગ્યાં સુધી મુલતવી કરવામાં આવે છે.”