ઈન્ટરનેટની આદતથી છૂટવા કોમેડિયન પાંચ દિવસ બાથરૂમમાં રહ્યો

કોમેડિયન માર્ક માલ્કોફ વિચિત્ર કૃત્યો માટે જાણીતો છે, પરંતુ તેનું આ કૃત્ય તેનું અત્યાર સુધીનું સૌથી શ્રેષ્ઠ અથવા સૌથી ખરાબ હોઈ શકે છે. તે તેની ઈન્ટરનેટની આદતથી મુક્તિ મેળવવા માટે તેના બાથરૂમમાં રહે છે.

માલ્કોફે ‘ધ ન્યૂ યોર્ક ડેઈલી ન્યૂઝ’ ને કહ્યું હતું, ‘થોડા સમય પહેલાં મેં નોંધ્યું કે હું ઘણું બધું કરવા માગતો હતો, પરંતુ હું તે કરી શક્યો ન હતો, કારણ કે હું ઘણો બધો સમય ઓનલાઈન રહેતો હતો. મને એ ખબર નહોતી કે ન્યૂ યોર્ક શહેરમાં એવી કઈ જગ્યાએ જઉં, જ્યાં કોઈ આકર્ષણ કે ધ્યાન ભંગ ન થાય. આથી હું પાંચ દિવસ મારા બાથરૂમમાં ભરાઈ ગયો હતો.’

તે કબૂલે છે કે નેટની આદત ક્યારેક એટલી ખરાબ બને છે કે તે પત્ની સાથે બહાર જવાને બદલે તેના ફેસબુક અને ટ્વિટર પરની અપડેટ્સને ચેક કરતો રહે છે. પરંતુ તેની સમસ્યાના ઉકેલથી તેની પત્ની ક્રિસ્ટાઈન માટે બીજી સમસ્યા સર્જાઈ હતી. તેના ઘરમાં માત્ર એક જ બાથરૂમ હોવાથી ક્રિસ્ટાઈને કુદરતી ક્રિયાઓ માટે સ્ટારબકસ રેસ્ટોરાંમાં જવું પડ્યું હતું.

માલ્કોફ માટે આવા સ્ટંટ નવા નથી. વિમાનમાં ઉડવાના તેના ડર પર વિજય મેળવવા તે
એક વખત કોમર્શિયલ વિમાન પર રહ્યો હતો.